Paŝoj en la historio de Programandala (laŭ inversa tempa ordo)
- 2011-12-15 Nova publika versio per Simplilo A-06.
- 2011-11 Lokservile anstataŭigas la version 00-05 de Simplilo, per la versio A-06 (la versinumera normo reŝanĝiĝis).
- 2010-10-19 La hispanlingva paĝo Proyectos estas simplige reverkita tabulforme; ĝia enhavo unuafoje estas publikigita en Esperanto (Projektoj) kaj en la angla (Projects).
- 2010-10-04 Nova fako en la hispana: Artefactos.
- 2010-08-10 Nova fako Bildoj, en la tri lingvoj.
- 2010-08-08 Nova stilo, eĉ pli simpla kaj klara ol la unua.
- 2010-06 Mi aktualigas la ankore nepublikigitan retpaĝarilon Simplilo, de versio 0.03 al versio 00-04 (nova normo por versi-numeroj).
- 2010-04-23 Nova fako Diario de un (retro)programador, nur en la hispana.
- 2010-01-21 Mi aktualigas la ankore nepublikigitan retpaĝarilon Simplilo, de versio 0.00 al versio 0.03.
- 2009-09-03 Mi aldonas komunajn fak-titolojn en ĉiujn program-paĝojn («Listaĵo» kaj «Deŝuto»).
- 2009-07-18 Mi aldonas la statistikan servon de Google Analytics.
- 2009-07-04 Mi unuafoje alŝutas Programandala-n.
- 2009-06-19 La trilingva Programandala-Permesilo estas preta.
- 2009-04: Meze de la monato. Programandala finfine ekvivas kaj montras la unuan enhavon, kvankam dume nur en loka servilo Apache sub Debiano.
- 2009-04 Post serĉado, komparado kaj provado, mi elektas retpaĝar-mastrumilon simplan kaj plur-uzan, de facile komprenebla kaj ŝanĝebla fontkodo. Mi komencas ĝin reverki por ĝin adapti niacele.
- 2008-04 Post dutaga listado kaj selektado helpe de mia frato, mi finfine havas bonan nomon, Programandala, kaj retzonon taŭgan por la speco de projekto: programandala.net.
- 2006 Pluraj skizoj de Programandala, programitaj per diversaj propraj iloj, atendas siajn ŝancon kaj vicon post multaj aliaj projektoj.
- 2001 Unua jaro de la nova jarcento. Programandala estas nur sennoma ideo: retpaĝaro por publikigi ĉiujn miajn komputilajn programojn, ankaŭ la malnovajn kaj ne plu utilajn — speciale la malnovajn kaj ne plu utilajn.