fsb
Descrition del contenete del págine
Conversor de fontes de Forth, scrit in Vim Script.
fsb es un conversor de fontes de Forth. It permisse, sequente simpli conventiones de inpagination, scrir code fontal in Forth in un file textual standard e converter it a un file in li classic formate de blocs.
Yo scrit fsb nam, por li developation de du projectes in fig-Forth, Tron 0xF e Afera, yo besonat un plu potent solution quam li ordinari conversores de textu a blocs: fsb posibilisa scrir code in Forth in formate de blocs presc sin limitationes: it administra li límites ínter li blocs, delete li vacui lineas, delete li metanotes, stuffa li blocs per li necessi lineas e spacies…
fsb is scrit in Vim e pensat por Vim (por exemple, it provide pluri util combinationes de tastes), ma on posse usar qualcunc redactor de textus por scrir li programa in Forth, nam li conversor functiona anc quam un comande. Naturalmen, Vim deve esser instalat in li sistema.
fsb include un option por crear un file TAP por esser utilisat con Abersoft Forth in un emulator de ZX Spectrum, e anc converter li fontes al formate de blocs individual usat per li sistema SuperForth de QL.
fsb ha esset tre provat durante li developation de Afera e Tron 0xF. In li págines de ti projectes on posse vider li aspecte del code fontal in Forth scrit por fsb.
fsb2 e fsb3 es li successores de fsb, malgré que ili tri ne conhave alquel trates.
Descarga
Anc: fsb en Github.