DZX-Forth
Priskribo de la ĉi-paĝa enhavo
Fortho por ZX Spectrum +3e.
Dormanta projekto. Komencita je 2014-11-03. 30% finita.
DZX-Forth estas dormanta projekto de Fortho por ZX Spectrum +3e. (Komence ĝi celis anke la originalan modelon ZX Spectrum +3, sed grava eraro de +3DOS malebligis tion).
La projekto ekis je 2014-11 el la kodo de versio 4.00 de la bonega CP/M-a DX-Forth. Mi ekzamenadis multajn Forthojn por la procezilo Z80 eble taŭgajn por bazo de ĉi projekto; malmultajn por ZX Spectrum, multajn por CP/M kaj iun por alia sistemo, nome Z88. El ĉiuj ebloj, DX-Forth ŝajnis al mi la plej bonan elekton. Ĝi funkcias sur la malnova mastrumsistemo CP/M, sed ĝi estas moderna Fortho, aktive pluprogramata, havas detalan dokumentaron kaj ĝia fontkodo estas komentita.
Mia celo pri DZX-Forth estis verki modernan kaj povan Forthon por ZX Spectrum, kapablan por verkado de ĉia programo.
La precipaj malfacilaĵoj kiuj haltigis la projekton jenas:
- DX-Forth havas egan kernon, taŭgan por la originala 64-kibibajta mastruma sistemo. Kvankam ZX Spectrum +3/+3e havas specialan modalon de 64-kibibajta memorpaĝigo, uzi ĝin estis ekster la celo de la projekto.
- La kodo de DX-Forth ne estas specife verkita por Z80 sed por funkcieblo en antaŭaj kongruaj proceziloj, kiel 8080, kio igas la kodon malpli efika ol ĝi povus esti. La tradukado de certaj tiaj koderoj estis kroma tasko.
- La programado de DX-Forth ne haltas, kio malfaciligas spuradi la ŝanĝojn, des pli ĉar la fontkodaj formato kaj etikedoj uzitaj en DZX-Forth estas tre aliaj.
Tio estas la kialaro, ke la programenergion mi direktis al Solo Forth, nuntempe jam pli evoluigita kaj potenca ol DZX-Forth. Tamen DZX-Forth ne estas ankoraŭ abandonita.
Historio de la programado
Estas detala hispanlingva programad-historio, kun koderoj kaj anglalingvaj ekranfotoj.